Opozisyon an bay popilasyon an randevou demen devan anbasad amerikèn – JUNO7

0 6


Opozisyon an bay popilasyon an randevou demen devan anbasad amerikèn pou mèkredi 20 janvye a

Komite Mobilizasyon Sitwayèn pou Respè Konstitisyon an, bay yon konferans pou laprès jodi madi 19 janvye a, nan lokal pati politik Altènativ Sosyalis (ASO), pou envite popilasyon an yon lòt fwa ankò nan yon jounen mobilizasyon k’ap gen pou abouti devan anbasad amerikèn, mèkredi 20 janvye a ki tou koyenside ak envestiti Joe Biden nan tèt peyi Etazini.

Ansyen senatè Youri Latortue nan ti moso lapawòl li te pran pale sou sitiyasyon politik peyi a epi fason gouvènman ameriken an ap sipòte Jovenel Moïse pou sou pouvwa a .

“Jounen mobilizasyon sa se yon sèl mesaj nou dwe lanse devan anbasad la, se mande nouvel administrasyon Joe Biden / Kamala Harris la pou’l pa kontinye sipòte pouvwa sa epi koupe ti relasyon Donald Trump t’ap jere ak Jovenel Moïse la “, deklare lidè AAA .

Mèt André Michel ki se pòt pawòl Sektè Demokratik la kontinye denonse gouvènman sa l di ki se premye otè zak kidnapin ak ensekirite anndan peyi a, pandan l te tou pwofite mande popilasyon an foule beton an pou kapab derasinen Jovenel Moïse sou pouvwa a.

Barbancourt

Mèt André Michel fè konnen pap sèlman gen mobilizasyon nan kapital la, opozan fawouch ak pouvwa a deklare ap gen manifestasyon nan Plato Santral, Nò, Gresye, Latibonit, Leyogàn ak Sid elatrye .

Channmas, Kafou Ayewopò, Lali, Petyonvil, Kafou rita, Solino, se plizyè kote ap gen rasanbleman pou mobilizasyon demen maten pou ale devan anbasad ameriken .

Konferans sa te dewoule an prezans Youri Latortue, André Michel, Nenel Cassy, Guy Numa, Dominique St Eloi ak anpil militan ki te fè deplasman.

Dekouvri plis:

Nouveau changement à la tête de la direction départementale de la PNH du Sud-Est

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src=”https://connect.facebook.net/en_US/sdk.js#xfbml=1&appId=249643311490&version=v2.3″; fjs.parentNode.insertBefore(js, fjs); }(document, ‘script’, ‘facebook-jssdk’));



Source link

This website uses cookies to improve your experience. We'll assume you're ok with this, but you can opt-out if you wish. Accept Read More