Pati “Bouclier”mande pou fineray Jovenel Moïse ta repòte akoz ankèt la ki poko fini – JUNO7

0 16


Pati politik Bouclier mande pou fineray ansyen prezidan Jovenel Moïse ta repòte akoz ankèt la ki poko fini

Arios Jean Charles ki t ap pale ak redaksyon Juno7 la nan non pati politik Bouclier mande ak fanmi prezidansyèl la epi gouvènman an pou repòte fineray Jovenel Moïse pou tann ankèt la rive nan bout li .

Swè sa pou Bouclier se paske pou yo ankèt la poko abouti, otè krim sa yo ap sikile se nan sans sa Arios Jean Charles ki se vis prezidan ak pòt pawòl Bouclier a mande pou repòte fineray la.

“Nou mande madanm lan ki gen anpil kouraj, n ap mande l souple ansanm ak gouvènman an pou repòte fineray prezidan Jovenel Moïse”, deklarasyon Arios Jean Charles.

Advertisement. Scroll to continue reading.

Dirijan Bouclier a kwè ke fineray Jovenel Moïse poko ka fèt pandan ke asasen yo ap banbile nan vil la. “Asasen ekonomik, asasen entèlektyèl, asasen fizik, yo toujou nan vil la, yo poko arete, yo poko dèyè bawo”, daprè sa Arios Jean Charles souliye nan mesaj li a.

Pou Bouclier, ankèt la dwe fini avan fineray la fèt. Arios Jean Charles mande kite kò a nan mòg pou jistan ankèt fini paske li estime Jovenel Moïse mouri pi lèd ke Dessalinnes.

Pou l fini, li mande kominote entènasyonal la espesyalman Nasyon Zini pou monte yon komite ankèt pou fè limyè sou zak asasinay sa.

Kò Jovenel Moïse twouve aktyèlman nan Okap, se la fineray li ap chante vandredi 23 jiyè k ap vini la. Fanmi li deside pran an chaj fineray sa kote yo anonse yo pa bezwen èd trezò piblik pou sa.

Advertisement. Scroll to continue reading.

Dekouvri plis:

Léon Charles a inauguré les locaux de la DDO 2 situés sur la route de Clercine à Tabarre



Source link

This website uses cookies to improve your experience. We'll assume you're ok with this, but you can opt-out if you wish. Accept Read More